Í hesum døgum er havnarmaðurin, Jógvan S. Biskopstø við í stórum tiltaki í Kina. Tiltakið kallast World Wood Day, og har eru yvir 70 listafólk úr øllum heiminum savnað at fagna træmentan.
Tað gera tey við at tilevna træskurðir av ymsum slag, siga tey í tíðindaskrivi í morgun. Fyrstu tríggir dagarnir vórðu settir av til at gera træskurðir á listaverkstaði, ið kallaðist Homeland og hann var í Xianyo.
Jógvan S. Biskopstø gjørdi ein skurð úr íbinviði og kamfertræi, ið hann nevnir Eksotiskt træ.
Harumframt var hann eisini biðin at gera skitsur av hinum listafólkunum ímeðan tey arbeiddu upp á teirra træskurðir.
Eftir listaverkstaðin í Xianyou varð farið víðari til Kuming í nakrar dagar, har eisini arbeitt var við trælist.
|
Í fyrradagin gekk leiðin norður til Beijing, har enn fleiri verk verða gjørd, World Wood Day 2014 byrjaði 19. mars og endar nú leygardagin 5. apríl.
Á myndini er Jógvan S. Biskopstø í fer við at tekna hini listafólkini.
