Tey flestu høvdu roknað við, at Stjørnan skuldi vinna ein hampuliga tryggan sigur á Stjørnuni. Men hóast hetta eisini gjørdist úrslitið, so helt Tordis Tróndarson, at Kyndil kundi víst meira, enn tær gjørdu leygardagin.
- Eg haldi ikki, at vit spældu upp til okkara besta í dag. Tað eru fleiri dystir, har vit hava sýnt betri spæl, enn vit gjørdu í dag.
- Men sjey mál. Tað er so tað besta úrslitið, sum vit hava klárað móti Stjørnuni higartil í ár. So eg veit ikki rættiliga. Vit høvdu so vónað, at vit kundu geva Stjørnuni ein skarpan gang. Men tað gjørdu vit so ikki í dag.
Tað sá út til, at tit høvdu gott á teimum í verjuni. Men í álopinum gekk spælið ikki heilt so væl hjá tykkum. Vóru tað nervar, sum gjørdu um seg?
- Nei. Tær eru øgiliga sterkar fysiskt, og tær kláraðu væl at halda okkum. Og tá er tað altso sera trupult at spæla seg ígjøgnum verjuna, helt Tordis.
