NCC hevur nú borað fyrstu 98 metrarnar av Sandoyartunlinum.
Tann 7. juni varð Eysturoyartunnilin skotin liðugur, og síðani hevur NCC arbeitt við at taka útgerð niður og seta hana í stand.
Síðan er NCC so smátt byrjað at bora í Traðardali. Borivognurin varð settur í gongd 4. Juli, og nú eru 98 metrar boraðir.
Fríggjadagin fer arbeiðið í summarferiu fram til ólavsøkudag. Eftir tað verður eisini byrjað at bora á Gomlurætt.
