Sjey línuskip eru á Íslandsrygginum. Tey fáa mest av svartkalva og toski og nakað av lira og blálongu.
- Vit vænta, at fleiri línuskip koma inn at landa síðst í vikuni sum kemur. Lagt verður aftrat, at eitt ísfiskalínuskip er í íslendskum sjógvi, men kemur neyvan at landa í næstu viku.
Tvey línuskip eru undir Føroyum, men tey eru nýliga byrjaði. So, tey bæði skipini koma neyvan inn at landa í næstu viku.
- Eitt línuskip á er ísfiskaveiði í Eysturgrønland og fiskar tosk og brosmu, men heldur ikki hetta skipið kemur inn at landa í vikuni, sum kemur.
Um útróður verður sagt, at streymurin verður harður, men veðurútlitini eru góð. Roknað verður tó ikki við nøkrum stórvegis nøgdum av útróðrarfiski.
- Hetta er vánalig fiskitíð, og fleiri útróðrarmenn pussa bátarnar upp - og aðrir eru í summarfrí, verður sagt á Fiskamarknaði Føroya.
