Í dag er føðingardagur í Norðurlandahúsinum millum klokkan 16 og 18 í sambandi við, at Hanus G. Johansen fyllir 60 ár.
Á skránni eru røður, tónleikur, upplestur og lagkøka. Vit kenna øll tey vøkru løgini: »Blómur spretta móti vári, følna tá ið heystið er, mín hon blóma skal alt árið,« sum Hanus syngur. Soleiðis er eisini við sangskattinum hjá Hanusi, ið ríkar okkum alt árið.
- Heldur enn blómur, ið følna, kunnu tey, ið ynskja at geva Hanusi eina gávu, stuðla nýggju fløguni við løgum hjá Hanusi og yrkingum hjá Poul F við eini peningagávu, siga fyrireikararnir.
