Áki Jespersen í Keypsamtøkuni í Havn hevur nú eina inniliga áheitan á Tórshavnar kommunu um at seta meira ferð á arbeiðið.
– Havi eina áheitan á Tórshavnar kommunu um ikki meira ferð kann setast á arbeiðið hjá Fjarhitafelagnum í Dr. Jacobsensgøtu við Gamla Kirkjugarð, skrivar hann.
– Tit eiga helvtina av felagnum, og tit skulu umboða okkum borgarar og okkum, sum hava handlar í umráðnum.
– Vit missa í túsundatali av peningi hvønn dag bara av vánaligari tilrættalegging, sigur hann og spyr:
– Hví verður ikki arbeitt um kvøldið og um næturnar? Sum nú er gongur arbeiðið sera, sera seint.
##med2##
– Mín áheitan á býráðið er at fáa hetta liðugt beinanvegin. Kann tú Heðin Mortensen ikki taka tær av hesum, sigur deildarleiðarin hjá Føroya Keypsamtøku í miðbýnum í Havn, Áki Jespersen.
– Tað er stór skomm at steingja vegirnar í okkara »hásesong«, heldur hann.
