Kurvabóltsfelagið Hamar hevði aðalfund í síðstu viku.
- Vit fegnast um góðu úrslitini hjá felagnum hetta kappingarárið. Mennirnir vunnu endiliga føroyameistaraheitið eftir at hava verið nær við í fleiri ár. Kvinnurnar vóru eisini ógvuliga nær við at vinna, men gjørdist tíverri ov stuttar í ár.
Tað sigur nevndin í felagnum.
- Samanumtikið hava vit sæð so stóran vøkstur í felagnum hjá monnum og kvinnum, at Hamar í dag kann kalla seg størsta kurvabóltsfelag í Føroyum millum vaksin.
Lagt verður aftrat, at málið fyri komandi ár verður at vinna bæði føroyameistaraheiti hjá vaksnum, og at arbeiða við at fáa fleiri børn at íðka kurvabólt í felagnum.
- Tað var greitt undan aðalfundinum, at Niklas Olsen fór at steðga sum formaður, sigur felagið.
Hamar hevur valt nýggja nevnd, sum hevur skipað seg soleiðis: Hannis Samuelsen, formaður, Jonathan Mine Olsen, næstformaður, Sóley Maria Petersen, kassameistari, Maria Suma Poulsen, skrivari og Aksel Kambsskarð Berg, nevndarlimur.
Tiltakslimir eru Emilia Ingálvsdóttir og Jón Bentson Zachariasen.
