Talan er um tann í countryhøpi væl kenda hitlistan ECMA-Charts Føroyski country-serfrøðingurin, Petur Rouch hevur gjørt eitt stórt og slóðbrótandi arbeiðið fyri, at tónleikurin hjá Halli Joensen skal geva afturljóð millum country-fjepparar uttanlands, og sigast má, at hetta hevur eydnast væl.
Um ein fer inn á slóðina : www.europeancma.com/chart.htm - so sæst, at føroyski countrykongurin liggur sum nummar tvey á listanum við sanginum ?Walking The Floor Over You?. Tað er bert Robert Mizzell við ?Mama Courtney?, sum liggur oman fyri Hall Joensen á hesum europeiska country-hitlistanum.
Tað serliga við hitlistanum er, at Country-DJ´arar kring alt Europa boða ECMA frá hvønn sang teir spæla mest í vikuni sum fer í yrki teirra, sum Country DJ´arar.
Spennandi verður at eygleiða, um Hallur Joensen kann fara allan vegin við sanginum, og leggja seg á odda á ECMA-charts í næstu viku.
