Barnagarðar og vøggustovur halda ikki lógina um, hvussu nógvir pedagogar skulu vera til arbeiðis. Tað ásannar Djóni Nolsøe Joensen, landsstýrismaður í barnamálum.
Eftir lógini skulu minst 2/3 av starvsfólkunum vera námsfrøðingatímar og í mesta lagi 1/3 kunnu vera hjálparfólk.
– Á dagstovnaøkinum hava vit, eins og á øllum vælferðarøkinum, eitt starvsfólkatrot, og eitt trot á útbúgnum fakfólkum.
Tí hevur samgongan gjørt av at taka tveir flokkar inn á pedagogskúlan hesi næstu árini. Harumframt verður útbúgvingin lagað til so at størri dentur verður lagdur á at útbúgva pedagogar til barnagarðar og vøggustovar.
Samstundis hevur samgongan eisini sett sær fyri at hækka lønirnar og at bøta um arbeiðsumstøðurnar. Í hesum sambandi er ætlanin eisini at gera tað lættari hjá hjálparfólkum at útbúgva seg til pedagog, eitt nú við eini ískoytisútbúgving ella við einum ískoyisskeiði, sigur Djóni Nolsøe Joensen.
