Í kvøld var føroyingauppgerð í bestu donsku mansdeildini í hondbólti.
Liðið hjá Vilhelmi Poulsen, Lemvig Thyborøn tók liðnum hjá Hákuni West av Teigum, Skanderborg Århus.
Skanderborg Århus vann ein greiðan 34-26 sigur. Í steðginum var Skanderborg Århus á odda 19-13.
Vilhelm skoraði tvey mál uppá fimm málroyndir, og legði upp til eitt mál.
Hákun skoraði fýra mál uppá seks málroyndir.
Skanderborg Århus er nummar átta í deildini við átta stigum. Átta tey ovastu sleppa víðari til endaspælið tá grundspælið er liðugt.
Lemvig Thyborøn er næstaftast við bert tveimum stigum.
Komandi mikukvøld tekur Lemvig Thyborøn móti Mors á heimavølli.
Komandi týskvøld leikar Skanderborg Århus fyrsta dystin í bólkaspælinum í EHF European League. Dysturin verður á útivølli móti Pellister úr Norðurmakedonia.
