Hákun West á Teigum og liðfelagarnir í Skanderborg Århus fongu í dag vitjan av Lemvig Thyborøn í dysti í bestu donsku hondbóltsdeildini. Vilhelm Poulsen er enn uttanfyri hjá Lemvig Thyborøn við skaða.
Skanderborg Århus vann dystin 34-29. Í steðginum var Skanderborg Århus á odda 18-15.
Hákun skoraði trý mál fyri Skanderborg Århus í dag.
Skanderborg Århus er nummar seks í deildini við 24 stigum.
Átta tey fremstu liðini vinna seg í endaspælið, og Hákun og liðfelagarnir hava seks stig niður til nummar átta og níggju, Holstebro og Ribe-Esbjerg sum hava 18 stig hvør.
Fimm umfør eru eftir at leika í grundspælinum.
