Hákun og liðfelagarnir mundu koppað greiða oddaliðnum

Hákun West av Teigum gjørdi sítt og skoraði fimm mál tá lið hansara, Skanderborg Århus ígjár spældi javnleik 31-31 móti greiða oddaliðnum, GOG á útivølli.

Undan dystinum høvdu Hákun og liðfelagarnir fegnir tikið eitt stig móti GOG, men teir kundu veruliga iðra seg aftaná dystin. Tá fimm minuttir vóru eftir var Skanderborg Århus á odda 31-27, men seinastu fimm minuttirnar megnaðu Hákun og liðfelagarnir ikki at skorað eitt einasta mál. Tríggjar minuttir seinni hevði GOG javnað til 31-31, og GOG mundi fara við øllum tá Emil Lærke hamraði bóltin framvið málinum hjá Skanderborg Århus, tá bert eitt sekund var eftir á klokkuni. 

Tá 47 minuttir vóru farnir var Skanderborg Århus á odda 27-20, og í steðginum var Skanderborg Århus á odda 18-13. Men seinasta løtan prógvaði hví GOG er oddalið.

12. mars spælir Skanderborg Århus á útivølli móti Aalborg sum er næstfremst í deildini. Átta tey fremstu liðini í deildini vinna seg í endaspælið.

Støðan: