Av tí, at 15. umfar í betrideildini hjá monnum verður avgreitt við fýra dystum, ið verða leiktir fríggjakvøldið og einum dysti sum verður leiktur leygarkvøldið var sendingin "Fótbóltspanelið" á Rás2 seinnapartin í dag.
Jákup Ósá frá bolt.fo og nordlysid.fo mannaði panelið saman við Tróndi Arge.
Jákup Ósá og Tróndur Arge settu orð á avrikið higartil hjá øllum 10 liðunum í betrideildini hjá monnum. Jákup Ósá vísti á, at hagtølini tala sterkt fyri, at HB vinnur FM. HB hevur slætt borð ímóti botn-5 liðunum, og tá teir hava sjey dystir eftir ímóti botn-liðum er sannlíkt, at teir fáa 60 stig og meir.
Jákup Ósá og Tróndur Arge tippaðu eisini teir fimm dystirnar sum verða leiktir í hesum umfarinum:
15. umfar:
Fríggjadagin 21. juni:
AB – B36 (18.00) Beinleiðis á Rás2
Skála – NSÍ (18.00)
07 Vestur – Víkingur (18.00)
EB/Streymur – KÍ (19.00) Beinleiðis á Rás2
Leygardagin 22. juni:
Suðringar – HB (18.30) Beinleiðis á Rás2
