Á tíðindafundinum á Tórsvølli í dag boðaði Christian F. Andreasen, forseti, frá at Fótbóltssambandið og Håkan Ericson hava longt samstarvið við tveimum árum.
- Allir partar eru nøgdir við samstarvið og Håkan Ericson hevur verið landsliðsvenjari í 34 landsdystum og hevur fingið stig í helminginum av teimum, sigur Christian F. Andreasen.
Tað er ein samd nevnd, sum hevur tikið avgerð um at leingja samstarvið. Håkan Ericson bleiv settur í desember 2019.
