Maria Halsdóttir Weyhe úr H71 og Høgni Zachariassen úr Neistanum eru kosin til ársins stjørnuskot. Bæði høvdu væl fleiri atkvøður enn kappingarneytarnir, tá ársins stjørnuskot vórðu avdúkað á hondbóltsgallaveitslu í kvøld.
Maria Halsdóttir Weyhe, sum fyrr í kvøld varð heiðrað sum toppskjútti í Hvonn-deildini, varð vald til ársins stjørnuskot við 46 atkvøðum. Liðfelagi hennara, Durita Toftum Joensen, fekk 19 atkvøður, og Sonja Sirdal úr Stjørnuni fekk 10 atkvøður.
Høgni Zachariassen varð valdur til ársins stjørnuskot við 40 atkvøðum. Leivur Mortensen úr H71 fekk 26, og Bartal Klein Olsen úr Kyndli fekk 17 atkvøður.
