NSÍ og EB/Streymur eru eftir fulla úrtøku í stevnudystum í kvøld oddalið í Formula deildini. Tað verða tey eisini, tá ið 13. umfar fer at verða liðugt spælt í morgin.
Spurningurin er, um B36 fer at megna at halda tørn í tøttu kappingini í toppinum. Um B36 skal halda tørn, so skal árstalsfelagið vinna á Argjum í morgin.
Eftir tapið á Sandi fyri einari viku síðani undirstrikaði HB leiðslan staðiliga, at hon hevði fult álit á venjaranum. Inntil annað verður at frætta, verður tað gingið út frá hesi útsøgnini.
Lagið var einki at reypa av, tá ið HB ferðalagið í kvøld fór úr Runavík og aftur til Havnar.
KÍ tapti í Streymnesi í kvøld. Um AB á heimavølli ímóti B36 ella VB/Sumba á útivølli á Skála fer at fáa fulla úrtøku í morgin, so fer tað av álvara at brenna undir klaksvíkingum.
13. umfar
Leygardagin 16. juni:
EB/Streymur-KÍ 2-1 (2-0)
NSÍ-HB 1-0 (0-0
Sunnudagin 17. juni:
AB-B36 - Páll Augustinussen kl. 15.00
GÍ-B71 - Petur Reinert kl. 15.00
Skála-VB/Sumba - Ransin Djurhuus kl. 15.00
Støðan
NSÍ 28 stig
EB/Streymur 28 stig
B36 25 stig
HB 20 stig
GÍ 16 stig
Skála 16 stig
B71 15 stig
KÍ 12 stig
AB 7 stig
VB/Sumba 7 stig
