Tann 19. oktober eru 56 ár liðin síðani 26 ungdómar vórðu konfirmeraðir í Oyndarfjarðar kirkju. Henda dagin hittast tey aftur á sama staði.
Næsta sunnudag eru liðin 56 ár, síðani Samuel J. Joensen, prestur, fermdi 26 ungdómar í Oyndarfjarðar kirkju.
Í hesum sambandi verður skipað, at ungdómarnir skulu hittast aftur og samkoman verður á sama staði sum konfirmatiónin.
Henry Jarnskor, sum nú er búsitandi á Strondum, er ein av fyrireikarunum og hann heitir á allar teir konfirmantar, sum hava hug at vera við, um antin at ringja til sín á telefon nummar 447026, ella til Elsu Nielsen (fyrr Gregersen) á telefon 441406.
Av teimum 26, sum vórðu konfirmeraði tann sunnudagin í 1947, eru í dag 19 eftir á lívi. Sjey eru farin í harrans hendur.
Konfirmantarnir í Oyndarfjarðar kirkju sunnudagin 19. oktober 1947 vóru annars hesir:
Tórur Eliasen, Karl Kristian Andreassen, Hjalmar Frits Olsen Gaard, Hans Jakob Samson Larsen, Hans Jacob Ennigarð, Poul Andreas Hansen, Brynjálvur Sverri Hansen, Hallgerð Hansina Joensen, Rosmunda Sopie Eldevig, Petronella Juline Petersen, Svenhilda Johanna Kristiansen, og Johanna Eliasen úr Fuglafirði, Hans Havstreym Petersen, Ernst Mikkelsen, Jógvan Johan Hammer Gøte, Henry Edvin Jógvanson Jarnskor, Hjørdis Pállsdóttir Hansen og Margretha Ólfríða Tvørfoss úr Norðragøtu, Gunnar Jakobsen, Jona Elisa Johannesen, og Sigfrida Johild Gunnlaugsdóttir Sighvattson úr Leirvík, Joen Pauli Frits Vang Jacobsen og
Else Gregersen úr Syðrugøtu, Sopie Elfrida Lilaa og Magdalene Autona Joensen úr Oyndarfirði og Hjørdis Joensen úr Funningsbotni.
