Tað var familjan, Eysturoyar Røktar-og ellisheim og Runavíkar kommuna ið skipaðu fyri hátíðarhaldinum. Nógv fólk nýttu høvið at heilsa upp á Jógvan hendan dagin, bæði familja, almenn umboð, stýrislimir á heiminum og umboð fyri bý- og bygdaráðini í Eysturoynni.
Jógvan var føddur 7. februar 1910 í Haldarsvík, men flutti sum tvey ára gamal til Elduvíkar at búgva hjá mostur síni. Í 1937 giftist Jógvan við Gerdu Jacobsen úr Thisted. Tey búsettust í Keypmannahavn og fing trý børn: Dianu, Stig og Hjørdis. Gerda andaðist í 1970, og í 1983 flutti Jógvan aftur til Elduvíkar at búgva.
Í sambandi við føðingardagin komu fleiri í familjuni úr Danmark til at hatíðarhalda 100 ára føðingardagin saman við Jógvani. Umframt børnini eigur Jógvan eisini seks abbabørn og átta langabbabørn.
- red
