Tá vit komu fram við Nólsoyar Pálsgarðinum í dag, stóð ein stórur bussur uttan fyri, so forvitnið dreiv meg innar. Tá var talan um eitt pensjónistaskeið á Føroya Fólkaháskúla, sum var á námsferð í Norðoyggjum.
Áðrenn leiðin bar aftur til Tórshavnar, høvdu tey steðgað í Christianskirkjuni, og nú stukku tey inn á gólvið á Biskupstøðgarðinum. Tað er næstan ikki dagur, at okkurt ferðalið ikki steðgar á her, visti Heri Ellingsgaard, nevndarlimur, at siga.
Heri Ellingsgaard hevur nú eisini ætlanir um at fara á eitt slíkt pensiónistaskeið, sum í hesum føri byrjaði síðsta týsdag og er liðugt komandi sunnudag, har tey læra nógv ymiskt og eisini sleppa at síggja seg um í egnum landi.
Feðaleiðari á ferðini var í dag Hedvig Westerlund-Kapnas, stjóri.
Stjórar, sum hava verið áðrenn Hedvig Westerlund-Kapnas, ið byrjaði í sínum starvi hin 1. oktober 2019, eru hesi:
Annfinnur Heinesen (2014–2019)
Rói Patursson (1988-2014)
Thorben Johannesen (1980-1988)
Steinbjørn B. Jacobsen (1970-1980)
Marius Johannesen (1953-1970)
Jóhannes av Skarði (1942-1953)
Símun av Skarði (1899-1942).
##med2##
##med3##
##med4##
##med5##
