112
Rigmor Dam/Rógvi Nybo
rogvi@sosialurin.fo
Stutt fyri døgurða í gjár, sunnudagin, var eldur í einum húsum í Krossgøtu 2 í Havn. Klokkan 11.19 fekk løgreglan fráboðanina um eldsbrunan, tá fólk í grannalagnum sóu royk koma út úr tekjuni.
Nógvur roykur var í húsinum, tá sløkkiliðið kom á staðið, og inni í stovuni varð komið fram á eigaran, sum lá og svav í sofuni. Hann var bjargaður út í øllum góðum.
Sløkkiliðið fekk skjótt tamarhald á eldinum, sum tíbetur ikki fekk tíð at breiða seg til aðrar partar av húsinum, har nøkur leigumál eru. Tó er nakað av vatn- og roykskaða.
Eldurin er helst kyknaður á vesinum, møguliga í einari stikkdós, har fleiri eltól og lampur sótu í.
