Serligar nummarplátur eru nógv verdar í Dubai.
Í lítla emiratinum Dubai, við innsiglingina til Persiska Golfin, varð ein nummarpláta við áskriftini ?Dubai 2? lýst til sølu á eini uppboðssølu, har øll høvdu møguleika at bjóða.
Roknað verður við at nummarplátan verður seld fyri umleið hálva milliard krónur.
Fyri nøkrum árum síðan varð ein nummarpláta við áskriftini ?Dubai 6? seld fyri 50 milliónir dollarar, ið svara til umleið 275 milliónir krónur.
Nummerplátan ?Dubai 1? verður nokk ikki lýst til sølu. Hana eigur sheik-familjan í Dubai.
