70 ár eru í dag liðin síðani fólkaatkvøðan um loysing var 14. september 1946.
Sum øllum kunnugt, var loysingin ikki tikin , men ein skipan við heimastýri sett í verk 1.apríl 1948. Føroyar eru ein sjálvstýrandi partur í danska ríkinum, har vit hava nøkur mál felags við Danmark
Politiskt verður kjakast um hetta mál í dag, men samstundis boðar danski tjóðbankin frá, at fíggjarliga gongur tað so væl í Føroyum, at verður hugt at bruttotjóðarúrtøkuni pr. borgara, so eru fleiri pengar til hvønn einstakan føroying enn til hvønn dana, um ein samanbering verður gjørd har.
Tjóðbankin staðfestir eisini, at hækkaða vælferðin í Føroyum stendst av hægri framleiðsluvøkstri í Føroyum enn í Danmark.
Tjóðbankin mælir til, at betri samsvar fæst í raksturin og íløgurnar hjá almennu Føroyum enn tað er í dag. Hetta eisini fyri at tryggja haldførið í búskapinum uppá longri sikt.
