Høgni B. Mikkelsen 70 ár

Høgni er havnarmaður sonur Einar Mikk­elsen el-installatør.
Eftir lokna skúlagongd fór Høgni í læru sum elektrikari í fyritøkuni hjá pápa­num í 1964. Tá hann  varð útlærdur í 1969, fór hann á el-innleggjaraskúla í Keyp­mann­a­havn og fekk prógv í 1973. Síð­an hevur hann arbeitt í fyritøkuni.
 Hann hevur verður limur í Tekniq (danska el-innleggjarfelagið) í nógv ár og bleiv 1. januar 2020 seniorlimur í Tekniq.
Eins og pápin hevur Høgni stóran á­huga fyri handverkarayrkinum og ser­liga el-fakinum, Hann var eitt langt tíð­ar­skeið nevndarlimur og formaður í Hav­nar Hand­verksmeistarafelag umframt hev­ur hann sitið í stýrinum fyri  Tekn­iska Skúla og FHMF.
Síðan 1980 hava Sonja og Høgni rikið el-fyritøkuna Sp/f Einar Mikkelsen sam­an.
Fyritøkan hevði sín 70 ára stovn­ing­ar­dag  18. august 2019.
Tann 1. sept 2019 bleiv el-parturin av fyri­tøkuni seldur til Elnet Sp/f, meðan lampuhandilin framvegis er í navninum Ein­ar Mikkelsen og Sonja Mikkelsen er stjóri.
Móttøka verður í sambandi við at El­net Sp/f hevur yvirtikið el-partin hjá Ein­ar Mikkelsen Sp/f, sum  hevur virkað í Føroyum í 70 ár.
Sama dag hevur Høgni B. Mikkelsen sín 55 ára starvsdag, harav 40 ár sum stjóri.
Móttøkan verður fríggjadagin 28. febr­uar frá kl.14.00-17.00 í høllini hjá Dans­ifrøi í Gundadali, har øll  eru hjartaliga vælkomin.