Fínt skal tað vera. Tá dyrnar latast upp á Frigg Festivalinum í Kongens
Have 9. og 10. mai verður tað stjørnukokkurin Gutti Winther, sum fer at
standa á odda fyri eini spennandi og kreativari matskrá.
- Vit hava funnið bestu rávørurnar í Føroyum, Danmark, Íslandi og
Grønlandi, og vit hava lagt høvdini í blot fyri at finna besta
norðurlendska gøtumatin, sum vit gleða okkum at bjóða gestunum á Frigg
festivalinum.
Soleiðis sigur Gutti Winther, sum saman við dananum, Kenneth Kirkedal, skal
skapa sanna matgleði fyri øll frændafólk á Frigg Festivalinum. Teir fara at
borðreiða við grønlendskum rækjum, íslendsk skyr, føroyskum laksi og
donskum frílands svinakambi.
Men tónleikur og matur skal kunna metta alla familjuna og hugsað er eisini
um, at børnini skulu fáa eina góða uppliving í kongsgarðinum. Gutti er tó
púra sannførdur um, at føroyskar fiskafrikadellur við heimagjørdari
romulátu og økologiskum grønmeti, verður nakað sum bæði útisetabørn og
danskarar fara at dáma væl. Tað skal, sum maðurin segði, smakka
fantastiskt!
