Gunnar Nielsen og liðfelagarnir í FH eru níggju stig frá oddaliðnum, Vali nú øll liðini í íslendsku pepsideildini hava leikt 13 av 22 dystum.
Í dag leiktu Gunnar Nielsen og liðfelagarnir javnleik 0-0 á Akureyri ímóti KA. Morgunblaðið nevnir dystin ein "steindeyðan javnleik", har Gunnar Nielsen ikki hevði tað nógva at gera í málinum.
Nú verður tó spennandi hjá Gunnari Nielsen og liðfeløgunum. Komandi leygardag verður steypafinalan ímóti ÍBV, sum hevur Kaj Leo í Bartalsstovu og Jónas Tór Næs í hópinum.
Fyrst skal FH tó leika ímóti Vali komandi týskvøld. Um FH vinnur tann heimadystin kunnu teir stytta frástøðuna upp til Val niður í seks stig. Sama kvøld spælir ÍBV á útivølli ímóti Víkingi Reykjavík.
Støðan í pepsideildini:
| 1 | Valur | 13 | 9 | 3 | 1 | 25:10 | 30 |
| 2 | Stjarnan | 13 | 6 | 4 | 3 | 29:17 | 22 |
| 3 | FH | 13 | 5 | 6 | 2 | 21:15 | 21 |
| 4 | Grindavík | 13 | 6 | 3 | 4 | 17:22 | 21 |
| 5 | KR | 13 | 6 | 2 | 5 | 22:19 | 20 |
| 6 | Breiðablik | 13 | 5 | 3 | 5 | 20:21 | 18 |
| 7 | Víkingur R. | 13 | 5 | 3 | 5 | 18:19 | 18 |
| 8 | KA | 13 | 4 | 4 | 5 | 25:21 | 16 |
| 9 | Fjölnir | 13 | 4 | 3 | 6 | 15:18 | 15 |
| 10 | Víkingur Ó. | 13 | 4 | 1 | 8 | 15:24 | 13 |
| 11 | ÍBV | 13 | 3 | 3 | 7 | 17:27 | 12 |
| 12 | ÍA | 13 | 2 | 3 | 8 | 19:30 | 9 |
