Í stýrinum sita nú Gunn H. Møller, Lovisa P. Glerfoss, Bjarni Petersen, Súsanna Berg og Arni Petersen. Tiltakslimir eru Óluva Vang og Marjun Eysturoy.
Í farna ári hevur felagið skipað fyri ymsum limatiltøkum, verið á fundi við norðurlendsk verkfrøðingafeløg og havt tiltak fyri verkfrøðilesandi í sambandi við Jobmatch. Eisini hevur stýrið arbeitt við at gera ymsar dagføringar á hús felagsins í Tvørgøtu.
Stýrið hevur nú skipað seg. Gunn Hanusardóttir Møller loysir Arna Petersen av sum forfólk í Føroya Verkfrøðingafelag. Arni hevur røkt henda sess seinastu 5 árini. Arni loysir við sama høvi Gunn av sum umboð felagsins í AKF. AKF hevur samráðingar við arbeiðsgevarar um hendi vegna m.a. Føroya Verkfrøðingafelag.
Stýrið í FVF sær nú soleiðis út: Gunn H. Møller, forkvinna; Lovisa P. Glerfoss, næstforkvinna; Bjarni Petersen, kassameistari; Súsanna Berg, skrivari; Arni Petersen, stýrislimur. Óluva Vang og Marjun Eysturoy eru tiltakslimir.
Í komandi ári verður skipað fyri ymsum sosialum og fakligum limatiltøkum, umframt at samband við hini norðurlendsku verkfrøðingafeløgini og verkfrøðislesandi verður styrkt - verkfrøðingum í Føroyum at frama.
