Randers FC, sum ikki hevði Brand H. Olsen í hópinum tók ímóti OB í dysti í donsku superliguni í dag.
Talan gjørdist um fulla spælitíð til Jóan Símun Edmundsson, sum saman við liði sínum tapti 0-3 í dag. Mayron George legði Randers FC á odda, tá bert átta minuttir vóru spældir. Í seinni hálvleiki økti Mikael Ishak til 2-0 í 60. minutti, og ímóti dystarenda staðfesti sami Miakel Ishak sigurin. Jóan Símun Edmundsson fekk gult kort seint í fyrra hálvleiki.
OB hevur nú tapt sjey dystir á rað, og teir liggja næstaftast við bert 10 stigum. Betri standur er hjá Randers FC, sum liggur á triðja plássi við 23 stigum.
Komandi sunnudag vitjar Randers FC liðið hjá Halli Hanssyni, AC Horsens. OB tekur ímóti oddaliðnum, FC Keypmannahavn, sum verður ein ógvuliga møtimikil uppgáva.
Støðan í donsku superliguni :
| 1 | FCK | 13 | 8 | 5 | 0 | 27:6 | 29 |
| 2 | Brøndby | 13 | 6 | 5 | 2 | 30:11 | 23 |
| 3 | Randers FC | 13 | 6 | 5 | 2 | 18:14 | 23 |
| 4 | Midtjylland | 12 | 5 | 5 | 2 | 25:14 | 20 |
| 5 | SønderjyskE | 13 | 5 | 5 | 3 | 18:16 | 20 |
| 6 | Lyngby | 12 | 6 | 2 | 4 | 12:10 | 20 |
| 7 | AaB | 12 | 5 | 3 | 4 | 15:15 | 18 |
| 8 | AC Horsens | 13 | 4 | 6 | 3 | 18:19 | 18 |
| 9 | Nordsjælland | 13 | 3 | 4 | 6 | 16:22 | 13 |
| 10 | AGF | 13 | 3 | 4 | 6 | 14:23 | 13 |
| 11 | Viborg | 13 | 3 | 3 | 7 | 12:17 | 12 |
| 12 | Silkeborg | 13 | 2 | 5 | 6 | 14:27 | 11 |
| 13 | OB | 13 | 2 | 4 | 7 | 11:20 | 10 |
| 14 | Esbjerg | 12 | 1 | 4 | 7 | 9:25 | 7 |
