Búskaparlig óvissa og óttin fyri inflatión ger, at gullprísurin í hesum døgum setir nýtt met. Greinarar rokna við at prísurin fer at verða í toppi komandi tíðina. Lítil búskaparligur vøkstur og trupulleikar av lánsskuld kring Europa hava við sær, at alt fleiri seta sínar pengar í gull, og tað fær prísin á gullinum at hækka.
Greinari hjá Jyske Bank sigur DR, at áhugin fyri gullinum fer at halda sær eina tíð frameftir.
- Gullið kann halda hendan høga prísin og kanska enntá hækka í virði komandi tíðina sigur Capser Andersen við DR.
Útlit eru ikki fyri eini skjótari loysn á búskaparligu truppuleikunum hjá londunum, og tí verður gullið framvegis ein góð íløga hjá fjálturstungnum íleggjarum.
