Eftir kappingarkalendaranum hjá Tórshavnar Súkklufelag og Føroya Triathlon felag var
tað Duathlon, sum var á skránni sunnudagin.
Duathlon er samansett kapping av eitt nú renning og súkkling, renning og svimjing ella svimjing og súkkling. Og teinarnir kunnu vera rættiliga ymiskir, men sunnudagin varð kappast í svimjing og renning.
Fyrst varð svomið 1 km og síðani varð runnið 10 km. Hóast veðrið var heldur
illsligt, so varð kappast kortini.
Svomið var í Svimjhøllini í Gundadalið, runnið frá svimjihøllini, eftir Yviri við
Strond, yvir til rundkoyringina við Skansan, har vent varð, og síðanniðan aftur til rundkoyringina við R.C. Effersøesgøtu, og harfrá yvir á Tórsbreyt, har endað varð
við 10 rundum.
Guðmundur Joensen var fyrstur í svimjingini, og eisini í renningini gekk væl framúr gott, og gjørdist hann tí vinnari av kappingini. Undan kappingini var Guðmundur Joensen favorittur at vinna kappingina.
Kári Simonsen var næstur úr hylinum, men í skiftinum gjørdi Hans Egholm skjótt av og
legði seg framm um Kára. Hetta bleiv tí ein kapping teirra millum allar teir 10 kilometrarnar, men Kári var stinnari, dróg longra stráðið, og gjørdist tí næstur á mál.
Úrsliti:
Nr. 1 Guðmundur Joensen við tíðini 55 min 40 sek
Nr. 2 Kári Simonsen við tíðini 1 tími 10 min 5 sek
Nr. 3Hans Egholm við tíðini 1 tími 11 min 15 sek
Hetta boðar Føroya Triathlon felag frá í dag.
