Í dag er grundlógardagur, men sambært mannarættindaserfrøðinginum Morten Kjærum er tíðin komin til at broyta donsku grundlógina Orsøkin er, at lógin verjir ikki mannarættindini hjá borgarunum nóg væl.
Morten Kjærum sigur við Jyllands-Postin, at danir høvdu verið illa staddir, høvdu teir ikki altjóða reglurnar um eitt nú javnrættindi, rættindini hjá børnum og veikum og forboð ímóti píning.
-Tað kann ikki vera rætt, at ein løgfrøðingur noyðist at brúka evropeisku mannarættindasamtyktina, tá hann skal grundgeva fyri talifrælsi í einum donskum rættarsali, tí grundógin kann ikki brúkast í tí førinum, sigur Morten Kjærum við Jyllands-Postin.
