Hóast fyrrverandi Baywatch-stjørnan, Pamela Anderson, ikki kom til landið í morgun, sum hon annars hevði ætlað sær, skipaði Sea Shepherd fyri tíðindafundi á Hotel Føroyum beint eftir døgurða í dag.
Ætlanin var, at hon so skuldi vera við umvegis Skype, men tað riggaði ikki, so í staðin var Pamela Anderson bara at hoyra í eini borðtelefon.
Okkurt hendinga føroyskt fjølmiðlafólk var á tíðindafundinum, men eingin av teimum hevði nakran aktivan leiklut, uttan at onkur mynd varð tikin.
Hinvegin hevði Grindamannafelagið tvey umboð á tíðindafundinum, sum vóru Hans Jacob Hermansen og Ólavur Sjúrðarberg.
Trýst á pílin undir myndini fyri at hoyra Hans Jacob Hermansen greiða frá, hví tey í Grindamannafelagnum valdu at fara á tíðindafundin.
