Í morgun varð boðað frá grind norðan fyri. Onkur hevði sæð ein flokk á umleið 40 hval í Kalsoynni, av Trøllanesi.
Men eingin bátur var hjá henni. Tí flutti grindin seg og fór eystur eftir móti Kunoynni.
– Tað síðsta eg fekk at vita var, at hon var á veg móti Viðareiði, sigur Jens Jensen, sýslumaður.
Grindaformenn í Klaksvík hava sent ein bát út úr Hvannasundi fyri at vita, um man kann lofta henni.
– Vit gera einki við tað, fyrr enn vit hoyra aftur frá bátinum, sigur sýslumaðurin.
