Tað er rættiligur gravgangur eftir at fáa sess í umboðsráðnum í Betri Trygging. Í hesum døgum er val til umoðsráðið, har tey, sum hava trygging í Betri Trygging, skulu velja 18 fólk í umboðsráðnum. Val er til Umboðsráðið annaðhvørt ár. Tilsamans eru 35 fólk í umboðsráðnum. og í ár standa altso 18 limur upp á val.
Bara tey, sum hava trygging í Betri Trygging, kunnu stilla upp til valið, men tað er eisini ein treyt, at tey hava undirskrift frá 25 stillarum, sum vátta fyri uppstillingina og teir skulu eisini øll hava trygging í Betri Trygging.
Freistin at stilla upp var 31. august og nú valevnini eru kannað og góðkend, er tað greitt, at tað eru 37 valevni at velja ímillum.
Seinasta freist at velja er 28, september og tá ið atkvøðurnar eru taldar saman, verður greitt, hvørji 18 av teimum eru vald.
Tað er heldur ikki sørt, at valevnini føra valstríð og royna at reka fólk á val fyri at fáa atkvøður.
Uppgávan hjá Umboðsráðnum er at vera aðalfundur hjá Ognarfelag Tryggingartakaranna.
Aðalfundurin velur nevndina í Ognarfelag Tryggingartakaranna, góðkennir ársroknskapin og hevur heimild at broyta viðtøkurnar, og tey hava nakrar fundir um árið.
Tey 37 valevnini, sum stilla upp hesaferð, eru 22 menn og 15 kvinnur, og har eru fleiri kend nøvn ímillum, eitt nú tríggir fyrrverandi løgtingslimir fyri Tjóðveldi. Tey 37 valevnini eru hesi:
Andrass Holm Arge, Stykki
Andrass Skaalum, Tórshavn
Anfinn Jacobsen, Hattarvík
Anita Hermansen,Tvøroyri
Annita á Fríðriksmørk, Hoyvík
Arni Teindal, Fámjin,
Birita Arge, Hoyvík
Birita Clementsen, Hoyvík
Bjørg Dam, Tórshavn
Emil Jacobsen, Skála
Frankie Jensen, Hoyvík
Guðrun Poulsen, Argir
Gunnhild Dahl-Niclasen, Haraldssund
Hans Jákup Langgard, Tórshavn
Heðin Poulsen, Vatnsoyrar
Heidi Kollsker, Hoyvík
Heidi Petersen, Tórshavn
Hergeir Pauli Vang, Tórshavn
Jan Müller, Tórshavn
Jens Johan Dam, Tórshavn
Jens Sigurð Simonsen, Froðba
Jóhannus Martin Olsen, Toftir
Magni Arge, Argir
Maria O. Berg, Runavík
Olaf í Garði Joensen, Eiði
Pauli Klakkstein, Klaksvík
Petur í Króki, Strendur
Robert Poulsen, Kollafjørður,
Rógvi Thomsen, Hvalba
Rúna í Skála, Tórshavn
Schandorff Vang, Oyrabakki
Sjúrður Hammer, Tórshavn
Súsanna Sondum, Tórshavn
Svanhilda Lervig, Hoyvík
Tommy Næs Djurhuus, Tórshavn
Tóra við Keldu, Klaksvík
Tórunn Weihe Steingrund, Skála
