Fiskiveiða
Partafelagið Nakkur í Klaksvík hevur keypt gomlu Ågot, sum hevur skift navn og fingið fiskiloyvini hjá línuskipinum Skørini og útróðrarbátinum Barinum. Skipið eitur nú Jógvan S.
Jógvan S stendur í løtuni á sleipistøð í Klaksíkk, har hann verður gjørdur klárur til fiskiskap undir Føroyum.
Jógvan Lützen, reiðari, sigur, at skipið hevur ikki nokk av fiskidøgum til at klára seg við teimum báðum loyvunum, sum eru fingin. Hvussu gjørt verður, tá dagarnir eru uppi, verður neyðugt at finna út av, sum frálíður, sigur hann.
Jógvan S fær ávísar avmarkingar í mun til Skørina, sum hevði loyvi at royna í klettin, sum tikið verður til. Tað sleppa stóru línuskipni ikki, og í hendan bólkin kemur Jógvan S, vísir reiðarin á.
Sann sigur at hann veit ikki reiðiliga, hvat gjørt verður, men vísir á, at teir hava, sum er, bara umleið helvtina av teimum døgum, teir meta seg hava brúk fyri.
