Hvørt ár koma umleið 130.000 amerikanarar til skaða í golfvognum. Umleið 130.000 amerikanarar koma hvørt ár til skaða í vognunum, sum koyra á golfbreytunum, vísir ein amerikansk kanning.
Hetta er ein vøkstur upp á 132 prosent síðan 1992.
Ein orsøk til at golfvognarnir verða so nógv nýttir í USA, er at á fleiri amerikanskum golfbreytum er tað heilt einfalt ikki loyvt at ganga millum holini á golfbreytunum.
Idéin við golfvognunum er, at tað skal vera lætt koma inn og út úr teimum, og tí hava teir ikki trygdarbeltir.
