Flestu ísfiskalínuskip eru til fiskiskap, og øll eru undir Føroyum. Flestu skipini eru nýliga byrjaði túr.
Á Fiskamarknaði Føroya vænta tey ikki nakra línuskipalanding teir fyrstu dagarnar í vikuni.
- Men, helst koma nøkur línuskip inn at landa síðst í vikuni. Flestu ísfiskalínuskip fiska tosk og hýsu, og onkur fær nakað av longu og brosmu.
Um útlitini til útróður verður sagt, at streymurin verður góður, men veðurlíkindini eru ivingarsom.
- Tað er tí trupult at siga, hvussu verður við útróðri hesa vikuna, verður lagt aftrat.
Í dag er hampiliga gott veður, men sum skilst, sigur hann upp í einar 15-20 m/sek. ein part av morgindegnum.
Mikudagin, hósdagin og fríggjadagin verður eisini skiftandi veður, men eitt nú hósdagin og leygardagin eru útlit til minni vind, einar 5-10 m/sek.
