Leygardagin hevði føroyski landsliðsleikarin Viljormur Davidsen føðingardag. Og sunnudagin fekk hann eina rimmar føðingardagsgávu, tá føroyski landsliðsleikarin fyrst skoraði eitt og síðani legði upp til eitt, tá Vejle í seinasta venjingardystinum áðrenn kappingin byrjar, vann móti Marienlyst.
Viljormur Davidsen byrjaði annars dystin á bonkinum og var ikki skiftur inn fyrrenn 67 minuttir vóru leiktir av dystinum. Tá var støðan 1-0 til Marienlyst.
Tá 69 minuttir vóru leiktir av dystinum, javnaði føroyski landsliðsleikarin fyri Vejle við góðum fluktara.
10 minuttir fyri leiklok átti føroyski landsliðsleikarin aftur týðandi fót í sigrinum. Viljormur Davidsen skeyt innlegg til Patrick Rasmussen, ið skoraði til endaligu støðuna 2-1.
NordicBet deildin í Danmark byrjar leygardagin tann 26. Juli. Tá spælir Vejle á heimavølli móti Brønshøj.
