Fríggjadagin seldi Fiskamarknaður Føroya 22,2 tons av fiski fyri stívliga 300.000 krónur.
Tað gevur ein samanlagdan miðalprís fyri øll fiskasløgini á 13,56 krónur fyri kilo.
Henda dagin var mest av toski á marknaðinum, sløk 10 tons, og eini 4 tons vóru av hýsu.
Haraftrat vóru 3,5 tons av upsa og umleið 2 tons av longu.
Besti miðalprísur fyri tosk var 18,23, fyri hýsu 20,30, fyri upsa 10,73, og besti miðalprísur fyri longu var 12 krónur fyri kilo.
