– Hetta var í áratíggju staðið, har sum alt kundi henda. Losjufundir, dansur, bardagar, fríggj, politiskir fundir, kristiligir fundir, kykmyndaframsýningar, avhald og drukk. Eitt multihús - alt á einum matrikuli. So segði hann, her lærdi man totalt fráhald í syðra endanum og í norðara partinum bar seinri til at læra seg kynstrið at smakka sær á.
Tolerancan var øgilig – ja, næstan fullkomin. Tí hevur tað verið við sorgblídni, at man hevur eygleitt niðurbræðingina í eina tíð, og tað ringasta er helst, at táið ein skansi fellur, kemur onki líkinda tilboð ístaðin. Tað er kanska ein kommunalur spurningur, sum fólksins tænarar (eisini ungdómsins tænarar) kunnu gera nakað við?
