Kvinnurnar, sum plaga at svimja á Malarenda í Nólsoy sunnudagar, ynskja í dag øllum einar gleðiligar páskir.
Hetta gera tær á sín sermerkta hátt - við einari páskalilju í part, meðan tær standa úti í kalda sjónum á Malarenda.
Í morgun, tá tær lupu á bláman, vóru tær níggju í tali, og her hevði onkur skipað so fyri, at tær allar høvdu eina páskalilju í part.
- Einar gleðiligar páskir, ynskja tær níggju - "harða kjarnan í Nólsoy" - øllum Føroya fólki.
