Giorgia Meloni, sum er forkvinna í flokkinum Brøður Italia, hevur góðar møguleikar fyri at gerast næsta forsætisráðfrú í Italia.
Í nátt segði hon, at italska fólkið hevur givið henni stuðul til eina stjórn við flokki hennara, Brøðrum Italia, á odda.
Um so verður, so verður hon fyrsta kvinna, sum verður forsætisráðfrú í Italia nakrantíð.
Niðanfyri sært tú meira um italska stjórnarleiðaran.
Navn: Giorgia Meloni.
Aldur: 47 ár, fødd 15. januar 1977.
Føðistaður: Rom.
Dóttir Francesco Meloni og Onnu Paratore. Pápin, sum var vinstrasinnaður, fór frá familjuni og flutti til Kanariuoyggjar, tá Meloni var eitt ára gomul.
Tjóðskapur: Italskur
Yrkisleið:
* Meloni fekk áhuga fyri politikki sum 15 ára gomul og meldaði seg inn í ungdómsflokkin hjá einum neofasistiskum flokki, sum ein ráðharri í stjórnini hjá einaræðisharranum Benito Mussolini hevði stovnað.
* Í 2006 tilnevndi Silvio Berlusconi hana til fyrsta politiska starv hennara.
* Í 2008 gjørdist hon bara 31 ára gomul yngsti stjórnarlimur í Italia nakrantíð, tá Berlusconi tilnevndi hana til ítróttar- og ungdómsmálaráðfrú.
* Í 2012 stovnaði hon flokkinum Brøður Italia.
Privat: Meloni er ikki gift, men hevur eina dóttur frá 2006 saman við italskum sjónvarpsjournalisti.
Frítíðarítriv: Meloni lýsir seg sjálva sum venjingarbundna. Hon rennur nógv og sigur, at hjarta hennara verður til ein trykkkókara, um hon ikki rennur.
Keldur: The Guardian, BBC, og Politico.
/ritzau/