Í heili átta ár hevur Ryan Giggs fjasast við konu beiggja sín. Tey eru nú farin frá hvørjum øðrum. Umdømið hjá Ryan Giggs er ikki tað, sum tað hevur verið.
Fyri tíð síðani kom fram, at hann hevði fjasast við realitystjørnuna Imogen Thomas, hóast Giggs fekk forboð fyri bløðini at umrøða hendingina.
Men í dag skrivar The Sun, at Ryan Giggs gjøgnum átta ár hevur havt samband við konu beiggja sín, Natashu Giggs, sum var gift við Rhodri Giggs.
Tað kom sum ein skelkur fyri Rhodri Giggs, og hann er nú farin frá konu síni.
Eg var saman við henni leygardagin, men tað eri eg ikki í dag, sigur Rhodri Giggs við The Sun.
Atburðurin hjá Ryan Giggs hevur fingið øði í familjuna.
Hann hevur ongan moral. Eitt er at fjasast við Imogen Thomas, men eisini sína egnu svigarindu, tað er ov galið, sigur mosturin, Joanna Wilson við The Sun.
