Hann er heimsins besti hondbóltsleikari, liðfelagin hjá Hákuni West av Teigum í Füchse Berlin, Mathias Gidsel.
Í 2025 vann hann HM-gull við Danmark, og hann var oddvitin, tá Füchse Berlin á fyrsta sinni vann meistaraheitið týsku bundesliguni. Eitt sera minniligt ár.
Fyri síni frálíku avrik lønti Ítróttar-Danmark Mathias Gidsel við at útnevna hann: "ársins ítróttarnavn" í Danmark.
Hinir báðir, ið vóru tilnevndir vóru súkkluíðkararnir, Jonas Vingegaard og Mads Pedersen, men teir máttu finna seg í, at Gidsel gav teimum bakhjól, sum danskarar plaga at taka til.
