Stór móttøka var fyri Gerhardi Lognberg, tá hann hóskvøldið kom til Skopunar.
Eg má siga, at eg var positivt skjokkeraður. Har vóru fólk í øllum aldri, úr allari oynni og børn við fløggum, sigur Gerhard Lognberg.
- Eg fekk tár í eyguni, sigur Gerhard Lognberg.
- Eg eri styrktur í trúnni á, at tað eg gjørdi var rætt. Hetta var bæði styrki í trunni og styrki í mótganginum, sum mær hevur verið fyri, segði Gerhard Lognberg, tá vit hitt hann í tinginum í morgun.
- Neistin, ið berjist fyri tunnlinum, er ongantíð sterkari enn nú, leggur Gerhard Lognberg dent á.
Hinvegin veit hann onki um lagnu sína í Javnaðarflokkinum, men hann tóktist ganga heldur eina í tinginum.
- Eg havi fingið fundarboð frá flokkinum klokan 18 í kvøld, segði Gerhard Lognberg fyrrapartin, og hetta samsvarar við, at leiðsla og starvsnevnd floksins hevur fundarvirksemi á skranni í dag.
