Hann hevur vunnið alt sum vinnast kann við FC Barcelona, og í heyst var fráboðað, at 35 ára gamli Gerard Pique fór at stilla gaggurnar á hilluna.
Men nú skrivar spanska blaðið, Relevo, at Pique tekur gaggurnar fram aftur. Hesaferð í næstbestu sponsku fótbóltsdeildini.
Pique fer at spæla við einum liði sum hann eigur sjálvur. Talan er um FC Andorra, ið undir ognarskapinum hjá Pique hevur vunnið seg úr fimtbestu deildini upp í næstbestu deildina.
FC Andorra spælir sínar heimadystir í Andorra la Vella. Dreymurin hjá Pique er, at FC Andorra skal vinna seg í fremstu deildina, og seinni vinna seg í topp-4, og harvið í Champions League.
FC Andorra er í løtuni nummar 10 í næstbestu sponsku deildini.
