Hoydalar, har studentaskúlin er nú, eigur at verða gjørdur til ein umsorganarstovn til fólk, sum eru deyðasjúk, eitt hospice, sum tað eisini eitur.
Tað heldur Bjørghild Djurhuus, býráðslimur í Havn fyri Javnaðarflokkin.
Um hálvtannað ár flytir studentaskúlin í Hoydølum í nýggja skúladepilin, Glasir, í Marknagili og í tí sambandi hevur kjak tikið seg upp um, hvat náttúruperlan í Hoydølum so skal brúkast til.
Nógv uppskot eru sett fram og á býráðsfundi í Havn hóskvøldið, varð enn eitt hugskot um, hvat Hoydalar skulu brúkast til.
Býráðið samtykti at heita á landsmyndugleikar um at skipa ein umsorganarstovn í Havn til fólk, sum eru deyðiliga sjúk.
Í hesum sambandi helt Bjørghild Djurhuus, at nettupp Hoydalar hevði verið eitt fantastiskt stað til ein slíkan umsorganarstovn til deyðasjúk fólk.
Ein slíkur stovnur í Hoydølum kundi verður lagdar saman við stovnum til umlættingarstovni, og øðrum stovnum, ið eisini kundi verið í Hoydølum, heldur hon.
Les eisini. Hvat skal hendan náttúruperlan brúkast til?
