Ed Whitacre, sum er fyrrverandi stjóri á telefonfelagnum AT&T, er longu byrjaður at gera stórar broytingar í allari GM-konsernini. Eisini í sambandi við Opel-Vauxhall í Evropa, sum stýrið í kreppurakta Gereral Motors hevur samtykt at hava eftir.
Í USA er tað vanligt at borgararnir í landinum fáa at vita hvussu nógv stjórar í vinnulívinum forvinna. Hóast lønarupphæddirnar eru stórar, hava fólk í USA ikki ilt av tí, men makta stjórarnir ikki sína uppgávu, og tað byrjar at ganga illa, so yvirliva stjórarnir ikki leingi í starvinum.
