Í gekka-spælinum seinasta fríggjakvøld steðgaði hjólið tríggjar ferðir í slag á 20.000 krónum.
Hetta var, tá Suni Jacobsen, sum ringdi av Argjum, var fjarritari fyri mammu sína, Súsonnu Jacobsen, ið hevði fingið fulla plátu og var sloppin ígjøgnum.
- Onkur skal steðga tríggjar ferðir á 20.000, helt hann fyri, tá allir tríggir møguleikarnir vóru royndir.
Í gekka-spælinum í kvøld gekk á sama hátt - í øllum trimum royndunum steðgaði hjólið á 20.000 krónum. Hvussu drátturin fall spølini undan hesum báðum seinastu, hava vit ikki hugt eftir, og tað kann sum so vera líkamikið.
Í kvøld var tað Rúni Joensen, sum ringdi úr Miðvági. Hann er vágbingur, læt hann gekka-vertin, Magnus Magnussen, vita, og segði, at hann var í Miðvági og vitjaði verforeldrini.
- So, hevur tú møguleikan at imponera tey í kvøld, nú høvuðsvinningurin er á heilar tvær miljónir, helt Magnus Magnussen fyri.
##med2##
Rúni Joensen valdi at deila tær tvær miljónirnar í teir tríggjar leyparnar við 700.000 krónum í hvørjum leypi.
Allar royndirnar endaðu á 20.000 krónum, men í seinastu royndini var um reppið, at hjólið steðgaði á bláa leypinum.
Eisini í aðru royndini var hann nær við bláa leypin.
Men, vinningurin í kvøld gjørdist altso 20.000 krónur eins og seinasta fríggjakvøld, og 20.000 skattafríar krónur eru eisini góðir pengar.
So má heldur imponeringin, sum gekka-verturin, Magnus Magnussen, hevði á munni, bíða til eina aðru ferð.
