Í annaðkvøld letur nýggja barrin, Garðurin, portrini upp í niðaru hæddunum í Klubbagarðinum í Havn. Havgrímur Johannesen, sum letur nýggja staðið upp sigur, at nýumvældu hølini bjóða upp á rátt, stílreint og hugnaligt umhvørvi.
Innbúgvið býður upp á ein serliga føroyskan dám við eitt nú gróti og viði. Til tess at veita tær bestu upplivingina kanst tú velja at njóta eina øl úr breiða úrvali okkara í hugnaliga Niðara Garði ella fara uppá í Ovara Garð at dansa til vælvaldu tónarnar frá plátuvendarum okkara, sigur Havgrímur Johannesen.
Tá Garðurin letur upp klokkan 21 í annaðkvøld, leygarkvøldið, fer Finnur Jensen, sum tey flestu kenna sum forsangara í Páll Finnur Páll, fer at undirhalda, og Garðurin bjóðar alt, sum barrin hevur at bjóða uppá, fyri hálvan prís.
Ikki er tað hvørt orð, tú skalt svara til, og ikki er tað hvørt gildi, tú skalt fara til. Tó veitst tú, at á Garðin er altíð vert at fara, sigur Havgrímur Johannessen.
