Nakrir ungir menn úr Miðvági, ið hava áhuga fyri fornminnum, hava tikið stig til at varðveita sokallaða Stóra Hjall í Miðvági sum fornminni.
Talan er um ein gamlan hjall, sum altíð hevur verið brúktur til at goyma grind í.
Samstarv
Arbeiðið við at varðveita Stóra Hjall verður gjørt í samstarvi við Fornminnafelagið og Miðvágs Kommunu, sum hevur latið tilfarið til at umvæla hjallin.
Tað er Nótafelagið við Kirkjar í Miðvági, sum eigur hjallin, ið upprunaliga hoyrdi til prestagarðin í Jansagerði.
Tí hevur hjallurin í nýggjari tíð eisini verið róptur Nótahjallurin við Kirkjar.
Tað í stóran mun eftirkomarar hjá teimum, ið áttu Nótafelagið, sum hava verið við í arbeiðinum at umvæla og varðveita hjallin.
Úr Miðvági verður sagt, at arbeiðið at umvæla hjallin gongur væl. Nú er bert eftir at leggja flag á takið og at hampa økið rundan um.
